ИСПОВЕДАНИЕ ПРАВОСЛАВНОЙ ВЕРЫ СВЯТОГО АФАНАСИЯ, АРХИЕПИСКОПА АЛЕКСАНДРИЙСКОГО, С ИЗЪЯСНЕНИЯМИ.

Статья про то почему вера – это самое важное:
Про взаимосвязь веры и дел – дела без веры мертвы, также и вера без дел мертва.

Об Исповедание Православной Веры святого Афанасия из истории. (см. стр. 7).

Исповедание Православной Веры. часть 1:

Комментарий транслитерация:
Сущее.
Иже кто хочет спасенъ быти. Преж всего потреба есть да содержитъ православную веру.
Толкование.
Идеж блаженныи Афонасие самоизволение положил. яко глаголет во псалме. [к*]то есть человекь хотяи живота. и паки во Евангелии сама Истинна глаголет. иж хощет поимеити.
Також и зде. Иж кто хочет спасенъ быти. Не рече хощеши, или не хощеши спасенъ будеши, но иж кто хощет. зане Богъ вседержитель. ни единого от человекъ, не волею или нужею, привлачит к вере, но иж кто хощет спасено быти во векы. в телеси или в души. потреба тому есть да содержит соборную веру. зане преж всякого дела требе есть. да вера предваряет пред всякым деланием. Преж всякого начинаниа. Пред всякым началом.
Единому комуждо дело есть. да содержит соборную веру. Глаголющу апостолу без веры невозможно есть угодити Богу. Отнюду ж Аввакум пророк рече. Праведныи ж от веры живет. Кафоликиа есть греческое слово. яж протолкуется соборнаа или вселенъскаа. Соборнаа пристоит ко всем человеком. Вселенскаа ж, зане по всеи вселеннеи распространися.
Веры ж верование есть, еж убо истинне веруем то еж никако ж видети можем.
Сего ради апостолъ рече. Вера есть надеемых? существо вещеи.
Изъявление явльшихся. Глаголет ж есть убо вера того ради, яж есть промежю Бога и человеково. Сию веру. сие верование. преж всех треба есть имети нам. зане вера есть основание всем добродетелем. И того ради преж созидаем веру, яж есть основание. И на тои прочаа добродетели. Зане без веры спастися никто ж может. Глаголется убо вера. верование. или верение. Кафоликиа ж. соборнаа глаголется си речь праваа. Юж вселенскаа церкви содержат и имат. Церквь убо собирание христианом. или сходище людем глаголется.

ПОЛНОЕ ИСПОВЕДАНИЕ ПРАВОСЛАВНОЙ ВЕРЫ СВЯТОГО АФАНАСИЯ, АРХИЕПИСКОПА АЛЕКСАНДРИЙСКОГО (для того чтобы посмотреть изъяснение нужно перейти по ссылке):

  1. Иже кто хочет спасенъ быти. Преж всего потреба есть да содержитъ православную веру.
  2. Юже аще кто целу и непорочну не сохранит без сумнениа во векы погибнет.
  3. Вера же соборнаа сиа есть. Да едино Бога в Троицы. и Троицу во единьстве чествуем.
  4. Не сливающе лицъ. Ниже существъ разделяюще.
  5. Иное бо есть лице Отчее. иное Сыновие. иное Духа Святаго. Но Отца и Сына и Духа Святаго. едино есть Божество. равнославою. сопревечное величеством.
  6. Каковъ Отецъ, таковъ Сынъ. таковъ и Духъ Святыи. Не сотворенъ Отецъ. не сотворенъ Сынъ, не сотворенъ Духъ Святыи.
  7. Неизмерим Отецъ, неизмерим Сынъ. неизмерим Духъ Святыи. Превеченъ Отецъ. Превечен Сынъ. Превеченъ Духъ Святыи.
  8. И убо не трие превечнии, но единъ превечныи. Яко не трие несозданнии, ниже трие неизмеримии. но единъ несозданныи, и единъ неизмеримыи.
  9. Тако же вседержитель Отецъ. Вседержитель Сынъ. Вседержитель Духъ Святыи. И убо не трие всемогущии, но единъ всемогущии.
  10. Тако ж Богъ Отецъ. Богъ Сынъ. Богъ и Духъ Святыи. ибо не трие Богы, но единъ есть Богъ. Тако ж Господь Отецъ. Господь Сынъ. Господь Духъ Святыи. и убо не трие Господие, но единъ есть Господь.
  11. Поне же яко разделне едино коеждо лице Бога. и Господа исповедати. христианьскою истинною повелено есть нам. Тако ж трех Богово, или Господеи глаголати. соборным духовенством возбраняемся. Отецъ ни от коего есть сотворен, ни создан. ни рожденъ.
  12. Сынъ от Отца единого есть, не сотворен. ни созданъ. но рожден.
  13. Духъ Святыи от Отца. не створенъ. ни созданъ. ни роженъ. но исходящ. Единъ убо Отецъ, не трие Отець. Единъ Сынъ, не трие Сыны. Единъ Духъ Святыи, не трие Дуси Святии.
  14. И в сеи Троицы ничто преж, или последи. ничто боле или менши. но вси три лица сопревечни себе суть, и сравни. Тако и повся. яко уже выше речено есть. И единьство в Троицы. и Троица во единьстве чествуема да будет.
  15. Иже убо хощет спасенъ быти. тако о Троицы да разумевает. Но потребно есть к вечному спасению. да воплощению убо Господа нашего Исуса Христа верне верует. Есть убо вера правая, да веруем и исповедаем. иже Господь наш Исус Христос, Божий Сынъ. Богъ вкупе и человек есть.
  16. Богъ есть, от существа Отча прежде векъ роженъ. и человекъ от существа матерьня в веце рожденъ. Совершенъ Богъ совершен человекъ. от душа словесны, и человечьстеи плоти подлежа. Равен Отцу по Божеству, мнии Отца по человечеству. Иже убо Богъ и человекъ. не два убо, но единъ есть Христос.
  17. Единъ ж не премененением Божества въ плот, но восприатием человечества въ Бозе. Единъ всяко нее слиянием существа, но единьством лица. Зане яко душа словесна и плоть, единъ есть человекъ. тако же Богъ и человекъ, единъ есть Христос.
  18. Иже пострада есть ради спасениа нашего. сниде во преисподняа, воскресе от мертвых.
  19. Възыде на небеса седе одесную Бога Отца вседержителя. Пакы грядущь есть судити живыхъ, и мертвых.
  20. Ко его же пришествию вси человецы воскреснут с телесы своими. И воздадут о содеаных своих отвещание. И иже благая содеаша, идут в живот вечны. а иже злая въ огнь вечныи. Сиа есть вера соборнаа. юже аще кто верне и крепце не верует. спасенъ быти не может.

P.S.: Нумерация просто для удобства, она не имеет ни какого смысла.

Полностью оригинал рукописи доступен для скачивания по ссылке.

Слава Господу Исусу Христу!
Редактор группы.