ПРАВОСЛАВНЫЙ ЧИН ВЫХОДА ИЗ ЕРЕСИ
От редактора: обратите внимание, как православные священнослужители принимали в православие бывших еретиков. Большая часть чина состоит из проклятия различных еретиков и различных ересей.
Комментарий-транслитерация (для ленивых во вред):
Чин аще кто в ереси быв
Хрщенсы? к Богу обратится любо хвалисин ?, любо жидовин, любо кыи еретик <и поставит посреде Церкве и начнет проклинати ересь> от яковитян первое начинания <онь сица отглусныя> И яковитян, и халцицарийскыя ереси, к непорочнеи и правоверных, всею душею приступая вере, проклинаю вся отреченая, евтих архимандрит, началници ереси, да будут прокляти.
Диоскор с образитель их да будет проклят. Сеугир безглавный, и крещение его, да будет проклято. И авоцанцал, да будет проклят. Сергии сурин и единомыслении его, да будут прокляти. Сергии арменин, началник ханцицарийскыа ереси, да будут прокляти. Симон, 1 еретик, и монтан, и манент, и маркион и иже с ними, да будут прокляти. Арий, евномии, македонии, аполинарии, павел самосатийскый да будут прокляти. Савелии, федор, нестории, диоскор, феодосии, да будут прокляти. Тимофеи, и ульян, петр гугнивый, петр канфийскый и страннолюбец того ученик, да будут прокляти. Кюр, макарии, пур, да будут прокляти. Ориген, дудин, и евагрии елиньскый мудрствующе, да будут прокляти.
Вся заповедания проповедания проклинаем си вся яже прокляша всея вселеныя 7 Собор, единомысленыя их вся проклинаю. <и глаголю сице>
Иже не исповедуют Святыа Троица, Отца и Сына и Святого Духа, да будут прокляти, иже не глаголет Безначална Отца и Безначална тако же Сына и Святого Духа, да будут прокляти, иже не глаголят Безначална присносущна, не создана Сына ни работна Духа ни едино трое, и трое едино, да будут прокляти, иже не глаголят приимши Господа нашего Исуса Христа, плоти яже от Святыя Девице и Богородица Мария, да будут прокляти, проповедающим Господа нашего Исуса Христа, страстьнаго по Божеству, да будут прокляти, не исповедающим Господа нашего Исуса Христа бестрастьна и бесмертьна по Божеству и страстьна же и смертьна по человечеству да будут прокляти, иже глаголят, имуща Христа две супостаси, рекше състава да будут прокляти, не исповедующим дву естеству и дву волю, един же състав при Господе нашем Исусе Христе, не исповедающим ни приемлющим да будут прокляти, отметающим и кленущим иже в Халкидоне Святый и вся Вселеньскиа 4 Собор, да будут прокляти. Не поклоняющимся святым иконам честных Господа нашего Исуса Христа, и Пречистыа Богородица и всех Святых, да будут прокляти. Не исповедающим Мария честныя матере Господа нашего Исуса Христа в правду и во истину Богородица и присно Девыа, да будут прокляти, не приемлющим послания к Флавьяну, Лва Святого папы римьскаго да будут прокляти, не приемлющим 6го Сбора, двусту и 80 и 9 Святых Отец в Костянтине граде сшедшихся на федора, сергия, пура, кира, павла и макарья, Сбора 7го не хотящих в Никии, Втораго за поклонение святых честных икон сшедшагося да будут прокляти, иже прилагают к Святый Боже Святый Крепкый Святый Бесмертный, иже четвертое речет распныйся нас ради, да будет проклят, иже не поклоняются святым иконам, но глаголют яко идоли суть, да будет проклят, вливающим масло древяное в хлебы иже проскумисают (?), да будут прокляти, иже не влагают в проскуру кисла теста и соли и в святую чашу воды не льют, но глаголют яко грех есть, да будут прокляти, иже не исповедают бескверныя жертвы суща, Телесеи и Крови Господа нашего Исуса Христа, да будет проклят, иже жрет агньц на Пасху или во ино время, да будет проклят, ядуще мяса в неделю сырную да будут прокляти, иже не хрестится двема перстома яко и Христос да будет проклят, иже не празнует в 25 месяца марта Благовещение, и в 25 декабря месяца Рождеству Христову, и в 6 генваря на Просвещение, и в 2 февраля на Устретение да будут прокляти, иже глаголют яко литиргиа и комкание святаго поста по вся дни грех есть, и ясть молоко и яйца в суботу и в неделю, да будет проклят, аще кии поп служит бес тихаря и бес патрахиля и фелоня или с инеми служит, или комкает с еретикы с преже писаными или в церкви их поющим им входит, и приведет я, на поставление, да будет проклят, иже не крестит в 3 погружения, во Имя Отца и Сына и Святого Духа, да будет проклят, вси еретици да будут прокляти, отрицаюся бо их, и заповеде их, и иже изволит с ними и всего заповедания еретичьскаго, верую в Святую, и единосущную Троицю, по заповеди Святых Отец, и исправивших Слово Истинное, иже обещахся по Бозе жити, и исповедаю Отца и Сына и Святого Духа, быти единомы естьство съчта бо ся естьство естьством, едино бо, тем зане естьство едино и Божество едино не разделяему убо на трое, в единьство же постигая, существенаго ради слова, того ради Отца глаголя, и Сына славя, и Духа Святого исповедая, Единого Бога глаголю, иже в Троици именуется, съставы же 3, исповедаю сиречь 3 лица, не глаголю же трии существ, или трие естеств, или Богы три, но Единого Бога едино существо рекуще естество исповедая, да не ярьяньствуя и глаголя едино существо рекше естество, не глаголю единого състава данесавелисаю (?), но три съставы, 3 лица в едином Божестве, сущем же единем и естьством молюся, и блажен есть иже в такои вере утверженеи, непреложне, исповедует и верует, и славу всылает истинному Богу, Отцю истинному Господину и Богу и Пресвятому Духу и животворящему в векы веком, и ответ против комуждо сих преступив <сии впрашает три и три краты поп> Веруеши ли в Святую и Единосущную Троицу <и отвещает верую и поклонше главу приходящему поп творит молитву сице>
Боже Спасе наш хотяи вся человекы спасти и в разум истинный приити, приими раба Твоего се, имярек, едва взникнувше от прельсти, и взлюбивша разум истинный приити, Ты бо еси рекл Господи, и ины овца имам, яже не суть от двора сего, и ты Ми подобает привести, и Гласа Моего послушают, и будет едино стадо и един Пастух, упаси убо в славе Своеи и в разум истинный приити, заповеде Святых Твоих и славных Апостол, и сподоби его знамения, Божественаго ти мира, и Причастия Честнаго Тела, и Крови, и яви и свершена раба”.
Слава Господу Исусу Христу!