2 – Второй Вселенский Собор
Второй Святой великий вселенский собор (5893 год от Адама, 393 год от В. Х.) был в Константинополе, 150-ти святых отец, и было это в царствование Великого Феодосия, при Дамасии, папе же Римском. На соборе же говорили старейшины: Нектарий из Константинополя, Тимофей Александрийский, Мелетий Антиохийский, Кирилл Иерусалимский, Григорий Богослов. Выступали они против Македония духоборца, бывшего епископа Константинополя. Этот Македоний, еще когда был с Арием, богохульствовал, также и Духа хулил, говоря о Нем: «Несть Бог истинен, но тварь». Это выслушали на том соборе собравшиеся и поставили в Константинополе епископа, а Македония прокляли, и с ним и Савеллия Ливийца, который едино Лицо славил во Святой Троице. И еще же прокляли на соборе Аполлинария Лаодикийского, который говорил: «Вочеловечшуся Слову неразумну сущу, в разума же место Слово в души родися». Собор же постановил: «Дух Святый Бог есть Животворяй, Единосущну Отцу и Сыну». И прибавили это на соборе, и к изложенному бывшими в Никее отцами святыми приложили о Святом Духе: «и Святое, и Животворяй» и прочее.
Установлено 8 правил.
Святыи Вселеньскыи Сборъ Вторыи, бысть при цари велицемь Феодосии въ Костянтини граде съшедъшимъся, 150, святых отець, от различьныхъ местъ, над христоборца, иже и правила изложиша.
Правило 1
Иже въ никеи святыхъ отець вера твердо да дьржиться, и пребываеть, реченая же и писаная на ня от еретикъ, и еретикы да будуть проклята.
Правило 2
Пределъ ради никто же да смешаеть церковь, ни поставляеть прозвутера ни епископа сущии же въ языцехъ божия церкви, святыхъ отець правило и обычаи дьржать.
Толкование
Въ многыхъ правилехъ речено есть, не подобаеть епископу на чюжю епископию находити, нъ къждо вънутрь своихъ пределъ да пребываеть, и въ своихъ пределехъ да поставляеть, епископъ убо прозвитеры и дьяконы, такоже и митрополитъ епископы своя, въ области своеи, да не прескачють чресъ пределъ своихъ, и церкви смятають, сущюю же во иноязычьницехъ божия церкви, иже въ егупте и лувии, и въ пендаполи, древнии обычаи очьскыи дьржать, яко же шестое правило прьваго сбора вселеньскаго иже въ никеи повелеваеть.
Правило 3
Костянтина града епископъ по румьстемь почтенъ есть.
Толкование
Того же стареишиньства, и туже честь юже имать румьскыи епископъ и костянтиня града епископъ причащаеться, и тако же почитаеться, якоже, 28, правило иже въ халкидоне сбора, сему правилу равно повелеваеть понеже есть костянтинь града новыи румъ, почтенъ бысть царьства ради и болярьства, царь бо и боляре от рума ту преселишася, а еже рече правило по римьстемь почтенъ есть, не о томь глаголеть, якоже римьскому честию большю быти,и по немь костянтиня града почтену быти, нъ осказаннии времени речено есть, якоже се речене кто реклъ бы не якоже по многыхъ летехъ, равною чьстию римьскому епископу, и костянтиня града епископъ сподобися.
Правило 4
Максимъ глаголемыи киникъ, от епископъ чюждь, и всяко не священъ, иже от него въ причетъ приятъ бысть.
Толкование
Си максимъ киникъ, киникъ же нарицаеться бестудьныи, церковь божию раздра, и многа мятежа и молвы исполни, волкъ въ пастыря место явлься, и вся грехы пращати того съгрешающимъ, единого ради иже нечьствовати въ повелениихъ, рекше преступати заповеди, якоже велить великыи бо словець григории, чюжь убо и сии максимъ от епископъ да будеть, и вси от него поставлени и прозвутери и диякони, и прочии причетьници чюжи священия.
Правило 5
Западныхъ епископъ повеление, еже отца и сына и святаго духа, единосущьна и едино божество, исповедають, се бо изложивъше на свитъце написаша, и да будеть благоприятна от всехъ.
Правило 6
И зловеренъ аще преобиденъ да глаголеть на епископа, аще будеть о церковьнемь съгрешении да не глаголеть, да не глаголеть же ни инъ иже преже въ пороце познанъ будуть, да не глаголеть ни отвьрженыи от обьщения, или оклеветаемыи въ нечемь, доидеже отложить свое, да не глаголеть же правоверныи приобьщеныи, и незнаемыи въ пороце и не оклеветаемыи, и да не явить съгрешение сущимъ въ области, аще же не възмогуть исправить, къ большему сбору да идеть, и бесписания еже рещи еже спостраждю аще и криво глаголя да не услышано будеть, чресъ сицевая же къ церкви преходя и молву творя отвьрженъ.
Толкование
Подобаеть лица и житие истязати, оклеветающихъ и глаголющихъ на епископа, или на причетьника, да не будеть таковыи еретикъ, или не въ которемь пороце знаемъ, или отвьрженъ от церкве, или от причащения, или о инехъ гресехъ оклеветаемъ, и еще своея вины не оправивъ, и аще таковии будуть клевещющии, не прияти будуть на обинение епископа, аще же и правоверенъ есть и житиемь не пороченъ и приобещьникъ сборнеи церкви иже церковную вину нанося на епископа приять да будеть, и да повесть съгрешение его, предъ всеми сущими въ области епископъ, аще же ти не възмогуть исправити, наносимыхъ съгрешении на епископа, да приступить къ большему сбору, глаголя и клеветы на епископа, и да въдасть пьрвое сбору хартию написавъ на неи яко аще обличенъ буду въ лжю клевеща на епископа, да постражю сию или сию казнь, и тако съставиться, и уверенъ будуть оглаголании его, аще же не творя сице, нъ къ церкви приходя, и молвы творя глаголя на епископа, или на судищи мирьскыхъ бояръ о семь приходя, таковыи не приятенъ на оклеветание епископа, еретикъ же аще пообиденъ будеть от епископа, несть възбранно ему глаголати нань и оправитися.
Правило 7
Четыринадесятници иже и средници глаголються, и ариане, и на ватиане, и македонияне, и саватиане, и аполинариате, писание въдавъше приятни, помазающе токмо вся чювьства.
Толкование
Си вси еретици, и аще приступять къ сборнеи церкви, и написавъше ересь свою, и прочетъше предъ всеми и прокленъше, и с нею вся ереси а прияти будуть, токмо святымь мюромь помазающе, чело, и очи, и ноздри, и уста, егда же знаменаемъ ихъ мюромь, глаголюще сице, печать дара святаго духа, средници же нарицаються понеже въ среду мяса ядять, а въ суботу постяться, си же и четыринадесяттници именуються, занеже въ, 14, день луны праздьноваху пасху.
Правило 8
Иже единемь погружениемь крещающеся евномияне и савелияне, и фрюги, яко ели ни прияти да будуть.
Толкование
И ти еретици суть, нъ единемь погруженикмь крьщаються а не трьми якоже правовернии, си же аще приступять къ сборнеи церкви, якоже погании прияти бывають, и преже крьщения время довольно поучаються, и божествьныхъ писани и послушающе и потомь свьрьшено крьщаеми бывають, и помазываються, сице же приемлемъ якоже елины, въ пьрвыи убо день створяемъ я крестияны, въ вторыи же оглашеныя творимъ, да поучаться вере, въ третии же день заклинание творимъ имъ, и дуновение творимъ трищи, на лице и въ уши, и тако поучаемъ ихъ, и повелеваемъ ихъ время довольно створити имъ въ церкви и послушати божествьныхъ писании, и тогда я крещаемъ, нъ преже сего всего да прокльнуть свою ересь, с писаниемъ и иныя вся, якоже и преже бы именовании и еретици.
И сего святаго, и Вселеньскаго Втораго Сбора, правила, къ первымъ приложишася о Господе.