17 МАРТА В ДЕНЬ ПАМЯТИ СВЯТОМУ. ЖИТИЕ БЛАЖЕННОГО АЛЕКСЕЯ ЧЕЛОВЕКА БОЖИА.

Оригинал, Правду Божию см. на фото на старославянском.

Комментарий транслитерация:
Фрагмент толкования:
… Егда же бысть время отроча учити. и дасть и[его] первое научение грамоте. и научився грамоте от риторию мало. и бысть отроча премудро зело. Егда же бысть женитве время. рече Еуфимианъ(Отец Алексея) жене своеи: “сътвориве бракъ сыну своему”. и възвеселися жена о словеси мужа своего. паде на ногу его глаголющи: “Да утвердить Богъ слово твое еже глагола, и да сътвориве бракъ сынови своему. и да възрадуется душа моя”. И обручиша ему невесту от царска роду. и сътвориша бракъ, увязше же чертогъ. венчавше же иереи въ Церкви Святаго Внифаньтиа. и иде изъ Церкви веселяшеся. весь день до вечера. Влезе же в чертогъ. седъ на столе злате. и вземъ прьстень златъ. и обитъ кропиною. и дасть обручиници своеи. и рече: “Възми се и съхрани. и буди Богъ межю тобою и мною, дондеже изволить”. и некыа таины извеща к неи, излезъ ис чертога. иде в ризницю[сокровищницу]. и вземъ от богатества своего изыде нощию из Рима. въшед низъ капетоля обрете корабль. и влезъ в онь доплы града Лаодиокия. рекомаго Гнарея. излезъ ис корабля. помоли Бога. и рече: “Боже сътворивыи небо и землю. и спаси мя от чрева матере моея. спаси мя ныне от жития сего суетнаго. и сподоби мя деснаго предстояниа съ всеми угожьд[а]шими тебе. яко ты еси Богъ милуя и спасая. и тебе славу всылаемъ”. И въставъ в тъи[тои] час срете ошелника. и иде с нимъ. доиде же Едесы Сирииския. идеже лежить образъ иконы Господа нашего Исуса Христа. иже дасть Авгарю в животе своемъ.
Влезъ въ град прода имение все. и да нищим. и облечеся в нищия ризы. и седе яко просител у Церкви Владычице нашия Богородица. постяшеся от недели до недели. причащяася Святых Таинъ и ядяше две укы хлеба, и две укы пияше воды. въ всем же житии своемъ не спаше по вся нощи. и что ему дасть кто. тъ все даяше нищим.

Искашя же его въ граде Римстемъ и не обретоша, и посла отецъ его триста отрокъ искати его. и не обретошя. пришедши же въ Едескыи град Месопетамию. он же видевъ и позна, и прослави Бога. и рече: “Хвалю тя Господи Исусе Христе, яко сподобил мя еси прияти милостиню от своих домочадець, имени твоего ради”. И обратишяся отроци в Рим, пришедше къ Господину соему глаголааху: “Изыскахом его и не обретохом”. Мати же его от того часа, вшедши в ложницю свою. (и отвръзши о конце възглавии своемъ)?. и пославши пред нимъ вретище свое попеломъ посыпавше. моляшеся Господу Богу глаголющи: “Не имамъ въстати от сюду дондеж уведаю о Сыне своемъ, единороднемъ. камося делся” …

Сътворшу же отрочати 17 лет. в паперти(притвор церковный) Святыа Богородица. и угоди Богу своему. И явися Святаа Богородица пономарю(помощник священнослужителей) глаголющи: “Въведи въ Церковь мою человека Божиа. яко достоинъ есть. почиваеть на нем Духъ Святыи. яко солнце въ всем мире сиаеть, тако просветися житие его пред Ангелы Божии”. Изыде же пономарь, ища таковаго человека. и не обрете. и обратися моляся Святеи Богородици. да явитъ ему человека Божиа. глагола к нему Святая Богородица второе: “Убогыи седяше пред дверми Церковными. тои есть человекъ Божии”. изыде же пономарь и обрете его, имъ за руку и введе его въ Церковь. и оттоле служааше ему велми.

И прослы человекъ Божии по всему граду тому. и увидевъ яко познашя его вси. отбежа от града того, и прииде в Лаодикию. и влезе в корабль хоте преити в Тарсъ Киликиискии, волею же Божиею прогнан бысть корабль и прииде в Римъ.

и излезъ ис корабля и рече: “Живъ Господь Богъ мои, не буду тяжекъ иному никомуже. но иду в домъ отца своего. и срете отца грядуща в полаты в час обеда. и поклонися ему глаголя: “Рабе Божии недеи мене в дому твоемъ. да ся насыщю с рабы твоими от крупиць падающих от трапезы твоея. да благословить тя Господь и лета твоея. иже имаши на инои стране и тои тя благословить”. слышавже отець его яко от странных есть, и рече: “Обаче странных ради вниде в дом свои”. рече къ отроком своимъ: “Которыи от вас хощеть служити ему. живъ Господь Богъ мои яко свобожю его. и участие дамъ ему в дому моемъ. но в паперти исхода моего сътворите ему хижицю. да въсходя и исходя зрю его. дадите ему от моея трапезы урокъ тои ему присно.

Мати же его имущи сетование, и печаль не изыде из ложница. сноха ею рече: “Не иду от сюду, (но гордицися уподоблю пустыни любивеи)?. дондеж увиде о мужи своем камося делся”. Отроци же ему пакости деяху. ови попираху, а друзи и заушяху[дергали за ухо]? и[его] и съсуды измывааху. и възливаху нань помои. он же тъ все с радостию приимааше.

Сконча же в дому отца своего 17 лет не знаем никому же. Егда же изволи Богъ взяти душу его. и рече нищии(Алексей) къ отроку: “Брате принеси ми хартию и чернило”. и принесе ему. и взем написа все како живъ съ отцемъ и с материю. и еже глагола къ обрученице своеи. како еи дасть перстенъ въ чертозе. и все житие свое написавъ.

Бысть же единъ от дни и в неделю сущу епископу Маркиану. и благоверныма царема. и [текст пропущен] гласъ слышааша глаголющь: “Приидете вси тружающися и обременении. и Азъ покою вы”. и падошя ниць вси. и реша: “Господи помилуи ны”. и тъгда гласъ пакы слышаше глаголющи: “Поищите человека Божиа, да помолится за миръ”.

Светающи пятку отходить душа от тела. въ четвергъ вечеръ събрашяся въ Церковь Святаго Петра. молящеся Богу да явить им человека Божия, и бысть всемъ слышащим: “В дому Еуфимианове. ту[там] есть тело его”. и обащьшеся оба царя къ Еуфимиану. и рекоста: “Како не явилъ еси нам имеа такую Благодать в дому своем. и рече Еуфимианъ: “Живъ Господь Богъ, яко не видев си бо пустошни сут”.

Тъгда повелеста царя въ дому Еуфимиянове рабом своимъ столы поставити, и престолы съ свещами[свечами] и с фимианом[ладан] срестиа[встречать].

Приидоста цари, и епископъ. и вси Церковнии мужи. и бысть молва велика в дому Еуфимианове. Мати ж его завесила бяше оконце. да не видит ея никто же. и рече: “Почто суть пришли, и почто молваси”.

Сноха же зряше ис полаты. слуга же человека Божиа. рече господину своему: “Еда се есть человекъ Божии. его же ми еси поручили блюсти. велми знамения видех о немъ. от недели до недели причащяася Святых Таинъ. две укрухи[куска] хлеба ядяше. а две уки воды пияше въ всемъ животе своем. не спаше же без сна пребывааше. а что ему даяше милостыня. тъ все дааше нищим. отроци же твои пакости ему творяху. овии ногами попирааху. а ови ударяаху мимо ходя, и заушяаху[дергали за ухо]? его. а инии помои възливаху нань. он же позревъ с радостию приимаше. и прослави Бога.

Еуфимиан же тъ слышявъ тече[направился] скоро к нему. пришед виде светящися лице его яко солнце. и хартию в руце дръжитъ, хотящу Еуфимиану взяти и не испусти ему. и обращьшися къ царема рече: “Его же искахове и обретохом”. и сказа има како преже 17 лет. прииде къ мне, и все по ряду сказа има.

Приидоста царя и архиепископи, сташя пред нимъ глаголюще: “Рабе Божии, и виде аще грешна есве. тъ царя есве а се отецъ всея земля.
даи же нам хартию”. и дасть имъ. вземше же и дашя халтулареви[книгохранителю] Церковному. седшим же царема и архиепискупу. и Еуфимиану. и нача халтуларь чести грамоту.

Егда же слышавъ Отецъ чтение хартии, и въскочивъ съ престола, растерзавъ ризы своя, и седины своа терзаше. и тече над тело его и нападе на перси[пальцы] его. любезно целующи его любызааше глаголющи: “Увы(восклицание, выражающее горе) мне чадо мое почто ми еси сице сътворилъ, почто не явился еси мне, увы мне колико[сколько] летъ пустъ бых чая слышяти гласъ твои. и не явился еси камо[куда] ся[cебя] де[дел]. имамъ сетование и печаль. отселе достоит ми плакати.

Мати же его слышавъ яко сынъ ея есть. и растерза ризы своя. и власы главы своеа простерши. и глагола народу: “Увы люте мне мужи дадите место. да зрю сына своего единороднаго, агнеца душа моея. любезно целуя лоб[ы]зая глаголющи: “Увы мне чадо мое и утроба моя”. плачющи глаголаше: “Чадо мое любимое, колико лет пустъ еси былъ в дому отца твоего. и не явился еси мне чая глас твоего сладкаго слышати, и не бе.

Сноха же его текъши плачющи на тело его. глаголаше: “Увы горлице мое пустыни любивое. колико лет пуста бых чающи твоего умилнаго лица видети, или гласъ слышяти. и не явилъся еси ми о люте мне. уже есмь днесь вдовица, люди еже зряще нань плакахуся”.

И тъгда повелеста царя понести одръ. и поставити посреди града. и слышавше гражане стекошяся нань. и заповедааху недужьнымъ елико их. и приношяху болныа исцелени бывааху. хромии ходят. слепии прозирают. глусии слышят.

Царие видевше чюдеса. и вземше сама понесошя одръ съ архиепископомъ. да освятятся телеса их. Отецъ же его дръжаашеся за руку его колебашеся и стеня. Люди еже угнетахуся о одре. и не даяху понести. и тъгда повелеста цари злато сыпати по пути. да людемъ обращьшимся нань. люди еже паче злата любляаше Святаго.

Многу же труду бывшю. позде неколи принесоша въ Церковь Святаго Внифантиа. благоверная же царя повелеста сътворити ковчегъ[гроб] златъ. и украсити камениемъ драгым. и вложишя в онь тело человека Божия Алексеа. и успе человекъ Божии месяца марта, въ 17 день. и празноваша же 7 днии, отцю и матери и сносе ту[там] пребывающим.

Сему же бывшю чюдеси. ис ковчега того искипе миро. приходяще же недужнии мазахуся и здрави бывааху. о Христе Исусе Господе нашемъ, ему же слава. въ веки веком.

P.S.: Дорогие читатели, читайте полностью толкование на фото на старославянском! Наша работа нужна лишь для того, чтобы помочь вам читать оригинальные тексты. В своих комментариях мы можем ошибаться, не принимайте их за Правду Божию!!!

Полностью оригинал рукописи доступен для скачивания по ссылке

Слава Господу Исусу Христу!
Редактор группы.