ЧТО ЕСТЬ ЧИСТОТА? КТО ЕСТЬ ЦЕЛОМУДР? КТО ПОБЕДИЛ ЕСТЕСТВО ДА НЕ СЕБЕ ЭТО ВМЕНИТ, А ВЫШЕЕСТЕСТВЕННОМУ ПРИШЕСТВИЮ.

Читайте ОРИГИНАЛ без искажений и дополнений на ФОТО на древнерусском.

Комментарий-транслитерация (для ленивых во вред):
Чистота есть, бестелеснаго естъства усвоение, чистота есть, домъ Христовъ въжделенныи, и небо сердцу земное, чистота есть, естъства паче естестъвное выше естъства отвръжение, и бестелеснымъ телесе мрътъвнаго и тленнаго преславное въ истину общение, чистъ есть, иже желанием желание възразивы(?), и огнь огнемъ вещестъвныи невещестъвнымъ угасивъ.

Целомудръ есть, иже и въ самыхъ сънехъ ни единого пошествиа или пременениа от сущаго ему устроениа ощущая и(?). Целомудръ есть, иже съвръшенное нечювствие о различи телесъ всегда имея и(?). Се правило и уставъ съвръшенныя и пречистыя чистоты, еже такожде о одушевленныхъ и бездушныхъ, словесныхже и бесловесныхъ пребывати.

Да никто же от иже чистоту исправльшихъ, себе тоя стяжание въменитъ, естьство бо свое победити, от невозможныхъ есть, а идеже естъству победа бысть, тамо вышеестестъвному пришествие познано бысть, безъ всекого бо(?) прекословиа, меньшее от болшаго упражнеется. Начало убо чистоте, не слагаемъ помыслъ, и безъобразнаа от времень истицаниа, среда же чистоте, естестъвнаа подвижениа от множъства брашенъ тъчиа безъобразне съставлеема и похоти пременена, конецъ же, умръщвение телесе предумершимъ помысломъ.

Блаженъ въ истину, иже о всекомъ блесце и телеси и видени, съвръшенно нечювствие стяжа.

P.S. Читайте оригиналы рукописей на ФОТО на древнерусском! Мы в своих «комментариях» (помогая новичкам прочитать) можем и навредить – мы можем ошибаться, не принимайте наш текст за Правду Божию!

Источник: Ф.173/I №152. «Лествица» преп. Иоанна Лествичника, списанная митрополитом Киприаном, об. 120

Слава Господу Исусу Христу!