ЧТО ЖЕ МЕНЯ ЗОВЕТЕ “ГОСПОДИ, ГОСПОДИ” И НЕ ТВОРИТЕ ТО, ЧТО Я ГОВОРЮ?
Читайте ОРИГИНАЛ без искажений на ФОТО на древнерусском.
Комментарий-транслитерация (возможны ошибки):
Евангелие:
Что же Мя зовете, Господи Господи, и не творите яже глаголю, всякь грядый къ Мне и слышаи словеса Моя, и творя я, скажу вамъ кому есть подобенъ. Подобенъ есть человеку зиждущу храмину и еже ископа и углуби, и положи основание на камени, наводнению же бывшу припаде река храмине тои, и не може поколебати ея, основана бо бе на камени. А слышавыи и не сътворивыи подобенъ есть человеку създавшему храмину на земли без основаниа, еи же припаде река и абие падеся. и бысть раздрушение храмины тоя велие.
Толкование Феофилакта Болгарского:
И се изрядне к намъ исповедающих убо Его устнами Господа, делы же отмещущимся. Аще бо и Господь есмь рече – всемъ вамъ лепо рабьскы творити, рабом же дело, делати яже Господь повелеваеть, потом же глаголеть и намъ, веждь что приобретает слушаяи его, и не токмо слушаяи его, но и творяи, подобен есть человеку строителю, иже създа храмину на камени, камень убо Христос, яко апостолъ съдетельствуетъ, копаетъ же и углубляетъ, иже не въвремя приемлеть Писаниа словесъ, но и пытаетъ глубины Духа, таковыи убо на камени основанъ есть, тажде наводнению бывшу гонению многажды или напасти, приразися река храмине тои, искусу аще от бесовъ аще от человекь, и не може поколебатися, реце бо подобно искушение от человекъ, наипаче в лепоту, яко же бо и реце или съвыше падаа дъждь наводнитися творитъ, тако и искусъ человеку, или съвыше падъ сатана напасти творитъ, нетворящих же Господних словесъ, подобенъ храмине безъ основаниа, падаетъ и бываеть раздрушение храмины тое велие, велиа бо суть паданиа, неслышавыи убо ни сътворивъ, легчае падает, слышавыи же и не сътворивъ злее съгрешаетъ.
P.S. Читайте оригиналы рукописей на ФОТО на древнерусском! Мы в своих «комментариях-транслитерациях» можем ошибаться, не принимайте наш текст за Правду Божию!
Слава Господу Исусу Христу!