ИСПОВЕДАНИЕ ПРАВОСЛАВНОЙ ВЕРЫ СВЯТОГО АФАНАСИЯ, АРХИЕПИСКОПА АЛЕКСАНДРИЙСКОГО, С ИЗЪЯСНЕНИЯМИ. ЧАСТЬ 9.

Оригинал, Правду Божию см. на фото на старославянском.
Комментарий транслитерация:
Сущее.
Тако же вседержитель Отецъ. Вседержитель Сынъ. Вседержитель Духъ Святыи.
Толкование.
Вседержитель глаголется Отецъ. зане вся может. не от страданиа, еже не хощет, но от творениа всех елика хощет. и все ему не невозможно есть. Вседержитель и Сынъ. зане елико может Отецъ. может и Сынъ. тако же и Духъ Святыи. убо аще вся может. что есть еже не может. сие не может, еже не требе всемогущему мощи. лгати не может, зане истина и прем[у]дрость есть. болети или немощьствовати не может, иже здравьство есть. умерти не может. зане бесмертенъ есть. конца имети не может. яко бесконеченъ и прелетене есть.

Сущее.
И убо не трие всемогущии, но единъ всемогущии.
Толкование.
Не трие убо вседержители. зане всемощо?ство есть в существе, но тех едино есть существо. Отечьство убо въ прошении ко другому есть. темь же имяна. Отца и Сына
и Духа Святаго. преносна сут. зане иныя, ко иным преносятся. яко же образ сему. рабъ къ господину. господинъ к рабу. учитель къ ученику, ученикъ къ учителю. отецъ к сыну, сынъ къ отцу. Зане никто же отецъ глаголется. аще не имат сына. ему же будет отецъ. И никто же сынъ не аще имат отца, его же сынъ есть. зане аще не имел бы сына. никако ж имел бы имя отчее. Тако ж и Духъ Святыи. не от себе, но некоего Духъ есть.

P.S.: Дорогие читатели, читайте полностью толкование на фото на старославянском! Наша работа нужна лишь для того, чтобы помочь вам читать оригинальные тексты. В своих комментариях мы можем ошибаться, не принимайте их за Правду Божию!!!

Полностью оригинал рукописи доступен для скачивания по ссылке https://drive.google.com/file/d/18_xmQkcSYk6xOQ5qyAtNi-Cvj5lNl5a1/view

Слава Господу Исусу Христу!
Редактор группы.