КАКО ВИДИМ ДРУГИА ВЕРНЫА ПЛОТНЫА ГРЕХЫ ТВОРЯЩА, ТА ЖЕ ОТ БОГА БЛАГОДАРИМЫ, И ИЗ БЕД СПАСАЕМЫ.
Оригинал без искажений и дополнений на фото на старославянском.
Комментарий-транслитерация (для новичков в помощь, для ленивых во вред):
Вопрос: како видим другиа верныа плотныа грехы творяща, та же от Бога благодаримы, и из бед спасаемы
Ответ:
Божиа судбы не доведомы суть, и не испытаемы, да сего ради не подоба осуждати человека до днесь оного, глаголет убо съборник, есть убо праведник погыбаа в правде его, и есть нечьстивый пребываа в злобе своеи, и суть праведнии яко постижется(?) акы тварь нечьстивых, и суть нечьстиви яко постиже до них, яко тварь праведных, друзи бо васнь, каа прегрешениа видими суть имуще в таине велика управлениа к Богу, творяще, в нас грешьни суще мнятся, у Бога же суть праведни, друзии же от молитв ради родительск, акы Соломон Давида ради, человеколюбие получи, рече бо к нему Господь, им же не схрани Заповедии Моих яже ти заповедах, развергы, развергу царство от руки ти, и дам е рабу твоему, обаче в дни твоа не створю сего, Давида ради отца твоего, друзии бо пакы ныне убо зли суще, покаати же ся присно хотяще, послежде уже отныне, акы праведнии пред Богом поразумеваються яко Павел, друзии же покааниа деля, и обращениа благостыню приемлют Божию, яже не разумеющим, ожесточающимся готовизна буди, оноа мукы, яко же иже Лазарю богатый, рече бо Апостол не веды яко благостыни Божиа на покаазнь ведет тя, по ожесточанию твоему и не покаанну сердцю, съготовивши себе злаа, в день гневный откровениа и праведнаго Суда Божиа Иже отдасть комуждо по делом его, и се веды Божескы Давид, учит рекы, не поревнуи управляющемуся в пути своем, творящу безаконие яко грешнии погыбнут, и врази Господни еще вславлени будут, и взвышатся, ищезающе яко дым изщезнут, егда прозябоша грешьници яко трава увядоша, яко да погубятся в векы веком, да тем убо не убоися егда обогатеет человек грешьный, и да умножится слава дому его, имже яко сено скоро изсохнут, и яко зелие злака скоро отпадут, и увянут, и взыщеши места ему и не обрящеши его и речеши како быша в опустение внезаапу, и исчезе и погыбе безакониа ради своего, акы сон оставив богатество свое, и безумнаа и душетленнаа слава она, и малогоднаа, акы сон обличися, в подобу убо глаголаше мудрый, не ревнуи славе грешьника, не бо веси что будет разрушение его, и не благоволи в благоволени грешникы, ни помяни акы до ада, не оправдяться, и путь грешничьск углажден камением, и напоследок его ров адов.
Слава Господу Исусу Христу!
P.S.: Дорогие читатели, читайте рукописи на фото на старославянском! Наша работа нужна лишь для того, чтобы помочь новичкам научиться читать оригинальные тексты на славянском. Научившись читать, у вас открывается доступ к первоисточникам – к Правде Божией! Вам теперь не нужно верить на слово всяким «лжеучителям», у вас появляется возможность самостоятельно изучать истинных учителей и труды Церкви Христовой! Мы же в своих комментариях (помогая вам прочитать) можем и навредить – мы можем ошибаться, не принимайте нашу жалкую писанину за Правду Божию!!!
Павел Новиков (читатель-редактор).
