НЕ СУДИТЕ, И НЕ СУДЯТ ВАМ. НЕ ОСУЖДАЙТЕ, ДА НЕ ОСУЖДЕНЫ БУДЕТЕ.

Евангелие + Толкование Феофилакта Болгарского

Читайте ОРИГИНАЛ без искажений и дополнений на ФОТО на древнерусском.

Комментарий-транслитерация (для ленивых во вред):

Евангелие:
И не судите и не судятъ вамъ, и не осуждаите, да не осуждени будете, отпущаите, и отпуститъ вы, дадите, и дасться вамъ меру добру наткану, потрясну и преливающуся, дадутъ на лоно ваше, тою бо мерою ею же мерите, взмерится вамъ, рече же притчю имъ,
егда можеть слепець слепца водити, не оба ли въ яму въпадетася, несть ученик над учителемъ своимь, съвършенъ же всякъ будетъ яко же учитель его.

Толкование:
Презлыи недугъ отсекаеть от душь нашихь Господь, корень глаголю презорьства, не смотря бо своих, но ближняго токмо назирая и тако порекая, яве презорьствомь обятъ есть, забы себе, мнитъ всяко о себе, яко не съгрешаеть, и того ради ины съгрешающая винитъ,
аще убо хощеши неосужденъ быти, не осуждаи инехъ, ръцы ми убо почто осуждаеши иныя, яко преступаеши Божии Законъ всяко бо законъ Божии велитъ ти неосудити брата, темже и ты преступаеши Законъ, преступникъ же сыи, не достоитъ ти иного осуждати, яко преступника вышьшу бо быти достоитъ съгрешающих по естьству, судии отпущаи убо и отпуститъ ти ся(?), да и дасться тебе, мера бо добра и наткана и потрясена и преливающися дасться на лоно ваше, не щадя бо възмерить Господь, но богатно, яко же бо егда мериши многажды что, топчеши и потрясываеши и пресыпатися твориши, аще хощеши мерити, то безъ щадения, тако и Господь меру велику и преливающи дастъ ти, въпросити же имать кто явленнее, яко како рече, яко ею же мерою мерите възмерится вамъ, пакы глаголет, яко меру преполнен(?) есть како есть, речемъ убо, яко не рече толикою мерою възмерится вамъ, но тажде, аще бы реклъ толикою мерою, и указъ положилъ мере, тогда убо имелъ бы нужду исъпротивно слово, ныне же, тою же рекъ, решитъ супротивие, есть бо даяти тужде меру, а не ину, сие убо глаголет Господь, яко благодеиствовавъ, благодеиствуется, се есть тою же мерою, а еже есть преисполнь, яко благосътворивъ единою, тмами сугубо благодеиствуется, тожде и о осуждении, осуждаяи бо(?), и осуждаемыи тужде меру меру въсприиметъ, а яко же болши осуждается, яко подобною осуди, посему преисполнь есть мера, сице рекъ Господь, възбранивъ намъ от осужениа, глаголетъ и запрещаеть нам, се есть указъ, ръцы бо ми рече, иже иного судяи самъ тожде съгрешая, не подобно ли есть слепець слепца водяи, аще бо иного судиши, а самъ в техъжде впадаеши, оба слепа, и мниши убо водя оного на добро осуждения ради, не водиши же, како бо есть онъ на добро водимъ от тебе, егда ты падаеши, несть убо ученикь над учителемъ, аще бы ты учитель мняся и вождь, падаеши, всякои учимыи съвръшеныи бо ученикь, да будеть яко учитель его, сие рече, о не осуждении меншихь намъ и мнимых от насъ грешныъ, наводит же иное начало.

P.S. Читайте оригиналы рукописей на ФОТО на древнерусском! Мы в своих «комментариях» (помогая новичкам прочитать) можем и навредить – мы можем ошибаться, не принимайте наш текст за Правду Божию!