НЕ МИР ПРИШЕЛ ДАТЬ НА ЗЕМЛЮ, НО РАЗДЕЛЕНИЕ.
НЕ ВСЯКИЙ МИР ДОБР. БЫВАЕТ И НЕ ПОЛЕЗНЫЙ МИР – ВДАЛИ ОТ БОЖИЕЙ ЛЮБВИ.
ХРИСТОС – МИР НАШ.
ЕСЛИ МИРИМСЯ И СОВЕТУЕМСЯ РАЗОРИТЬ ИСТИНУ – ТАКОЙ МИР НЕ ПРИШЕЛ ДАТЬ ХРИСТОС.
НЕ ВСЯКИЙ МИР И СОГЛАСИЕ – ДОБРО, НО БЫВАЕТ КОГДА И РАСПРИ, И РАСКОЛЫ – БОЖЬЯ ВЕЩЬ. ПОЭТОМУ НЕ ИМЕЙТЕ ДРУЖБЫ СО ЗЛЫМИ, НО ЕСЛИ ОТЕЦ ИЛИ МАТЬ ПРОТИВНЫ ХРИСТОВЫМ СЛОВАМ – БРАНИТЬСЯ С НИМИ, КАК С ВРАГАМИ ИСТИННЫМИ.

Читайте ОРИГИНАЛ без искажений и дополнений на ФОТО на древнерусском.
Комментарий-транслитерация (для новичков в помощь, для ленивых во вред):

Евангелие:
Мните ли яко мира приидох дати на землю, ни, глаголю вам, но разделениа, будет бо отселе пят в едином дому разделени, трие на два, и два на три, и разделится отец на сына, и сын на отца, и мати на дщерь, и дщи на матерь, свекры на невесту свою, и невеста на свекровь свою.

Толкование:
Христос убо мир наш, обаче не приидох рече мира дати, имже указу подобно глаголемое, глаголем бо, яко не всяк мир бес порока и добр, но есть не полезен и далече Божиа любве влагаем, яко же се, егда миримся и съвещаем, разорити истину, таковаго мира не прииде дати Христос, противно е убо, велит же и нам лучшее друг к другу о добре, еже и в гонение бысть в едином убо дому отец еллин, и сынови верну, разно, и мати, и дщери такожде, како же рек пят в едином дому разделени будут, в числе же шесть лиц положи, речем убо, едино лице имат дщи и невеста, к свекрови же невеста, три убо суть резделени, отец и мати и свекры, на два же се есть, сын и дщи, дщи бо едино лице сущи, две одержании, въсприимает, потому бити мнится две лици, матери прилагаема и свекрови. Разумеи же ми просто, отца матерь свекровь, вся та сущи ветхая, сына же и дщерь вся новая, тем же всем ветхим нашим, и грешным обычаем и учением, которатися новыми и Божествеными Заповедьми велит. Разумеи же и сице, отец убо ум, сын же слово, разделению же сею бысть, в едином дому человеце реку, озарися ум ареопагиту(?) дионисию и проповедь приат, противится ему ум, не явлену приим веру, слово еллиньско изъявити покушаяся, и беседами последовати понуждаа. Видиши ли разделениа отца и сына, которающася самема Христа деля, и проповеди, матерь же и свекровь, наречеши убо помышление, дщи же и невесту, чювьство, и тъ(?) убо котору съставляют Христа ради, помышление убо на чювьство, егда помышление рачит почьстити нетленная, паче тленных, невидимая же, паче видимых, имат к сему многы указы с поспешникы, есть же и чювьство, на помышление брань сразит, чювьство бо чюдес ради и видимых знамении, наставляемо к вере, не покаряется помышлением, ни елиньскым указом подобитися хощет, веровати, яко Бог человек бысть, или яко Дева роди, таковая бо суть по естьству работающих елиньскым баснем, чювьство бо видимых ради чюдес, лепее всего указает, к Богоразумию вождь, не всяк мир и съгласие добро, но есть егда и которы и расколы, Божиа вещь мнится, того ради никто же дружбы имеи с злыми, но аще отец, аще ли мати противни обретаются, Христовым словесем, бранитися с ними яко с врагы истине.

Слава Господу Исусу Христу!

P.S.: Уважаемые читатели, читайте рукописи на ФОТО на древнерусском! Наша работа нужна лишь для того, чтобы помочь новичкам научиться читать оригинальные тексты на древнерусском. Научившись читать, у вас открывается доступ к первоисточникам – к Правде Божией! Вам тогда не нужно будет верить на слово всяким «лжеучителям», у вас появится возможность самостоятельно изучать истинных православных учителей и труды Церкви Христовой! Мы же в своих комментариях (помогая вам прочитать) можем и навредить – мы можем ошибаться, не принимайте нашу писанину за Правду Божию!!!

Павел Новиков (читатель-редактор).