О ПОСТАХ.

Читайте ОРИГИНАЛ без искажений и дополнений на ФОТО на древнерусском.

Комментарий-транслитерация (возможны ошибки):
О постех

Иже аще хощет кто поститися, в святую великую 40 цу (???) яже назнаменася и уставися от Самого Владыкы Христа, и подобает поститися малу же и велику, и юну и стару, сиа 40ца(???) яко же реша Святии Отцы, яко десятина есть всего лета, яже избраша положиша, Святии Апостоли, по знамению Владыки Христа, и всякому и истинному христианину, повелено бысть страхом великиим, да держат в седмици, коториждо(?) дни 5, сухоядением, а в суботу и в неделю масло и вино, достоит же коемуждо христианину поститися, аще хощет и в понедельник, в среду же и пяток, всякому повелено бысть христианину поститися, тако же и Святыи Пост Рожества Христова от Филипова Дни, до самого рождества Христова, и поститися сухоядением, в понедельник, в среду, в пяток, а во второк, в четверток, суботу и неделю, рыбу ясти и вино пием, тако же и Пост Святых Апостол держати лепо есть, от недели Всех Святых до самого Дне Святых Апостол Петра и Павла, иже кто аще хощет поститися или въздержатися по истинне тъ в сих постех доволен есть, подобает же мнихом единою днем ясти сухоядением во вся дни Святого Великого Поста, а в суботу и в неделю дважды масло и вино, а рыбы не вкусити никогда же в том Великом Посте, точию на Благовещение, и в Неделю Вербную, а мирьстии человеци в том Великом Посте 4 жды(?) ясти рыбы в неделю православную, и в неделю поклонение Честнаго Креста, и в Неделю Вербную, и на Благовещение, вся же тыя святыя прочаа великаго дни святого Великаго Поста хранити и тем достоит, ясти единою в понедельник и в среду, и в пяток, аще ли же кто хощет и всегда в том посте единою ясти достоино творит, разве точию суботу и Неделю, есть же и другое, егда аще кто хощет и в вся дни всего лета въздержатися и поститися Бога ради развее точию суботу и неделю, яко же неции от мних творят, друзии же мниси выину отнуд, отсекше единою всяко снедение и питие от себе, тако пребывают, подвига ради великаго и добраго желающе Бога ради, имже мзда велика от Господа будет аще смирением и нищетою поживут в таковем посте о Господе, мниси да не ходят на трапезу мирьскых человек, ни на питиа их ни на соборы их, ни егда аще творят памяти святых, аще ли приключится нужда и приидет кто в монастыр(?) и молится когда любо пояти на трапезу свою некоего от мних благословениа, тъ за нужду аще есть старец, иже может и другых ползовати, и себе невредима, бес пакости съблюсти, и тъ да идет, а юн сыи никто же от мних никогда же, да не идет на мирьскую трапезу, понеже никто же таков, не может себе съхранити от пакости и вражиих, иже не послушает ни повинется преданием сим написаным от Святых Апостол и Богоносных и Преподобных отец, инако начнет ходити кроме сих правил анафема.

Слава Господу Исусу Христу!

P.S.: Читайте оригиналы рукописей на ФОТО на древнерусском! Мы в своих «комментариях» (помогая новичкам прочитать) можем и навредить – мы можем ошибаться, не принимайте нашу писанину за Правду Божию!