О СЕМИ МОЛЕНИЯХ ГОСПОДСКИХ (ВОПРОСЫ И ОТВЕТЫ). ПОЯСНЕНИЕ МОЛИТВЫ “ОТЧЕ НАШ”.

Оригинал, Правду Божию см. на фото на старославянском.

Моление Господьское. в Матфеи, глава. 6, а в Луце. 11. вопросы, и ответь.
Ученикь. в молении Господьском, колика прошениа имеются
Учитель. седмь.
Ученикь. кое есть первое?
Учитель. да святится имя Твое.
Ученикь. а еже во главе есть. Отче нашь иж еси на небесех, како разумеется?
Учитель. тамо бо прозвание достоиньства есть. егда мы Отца имети исповедаем Бога. зане вси братиа есмы. и Бога отца имамы на небесех.
Ученикь. в первом прошении еж реклъ еси, что разумевается?
Учитель. от Христа бо Христианинъ исходит. и сего ради поне же Христиане нарицаемся Христово имя держим и молимся. да дела Христова творити возможем. и имя Его делы благыми нашими в нас святится.
Ученикь. кое второе прошение? Учитель. да приидет царствие твое. Ученикь. что тамо разумеваемо есть? Учитель. молим бо да Христос царствует в нас, а не диавол. иже есть, Церковь Христова. всегда да растет, в неи же царствует Богъ. и день суда приидет. зане тогда диаволъ царьствовати в мире престанет,
и Христос со святыми своими в веки воцарится.
Ученикь. кое есть третее? Учитель. да будет воля Твоя, яко на небеси и на земли. Ученикь. како есть разумеваемо? Учитель. яко Ангели на небеси Твоеи повинуются воли. тако и праведнии на земли творят. яко ж во святых тако и во грешных, Твоя воля исполняется. Ученикь. кое есть четвертое?Учитель. хлеб нашь вседневны даждь нам днесь. Ученикь. что в том разумевается?
Учитель. в сем месте хлеб за вся брашна приемлется о нихь ж жити имамы. молим же и о приатии тела Христова. просим убо да нам себе самого воздастъ иж есть хлеб живыи.Ученикь. кое есть пятое? Учитель. и отпусти нам долгы наша яко и мы оставляем должником нашим.
Ученикъ. что в том познаваемо есть?
Учитель. молим, и да сице отпусти нам грехы наша. яко и мы оставляем дол[ж]ником нашим.Ученикь. кое есть шестое? Учитель. и не введи нас во искушение. Ученикъ. како сие разумеется? Учитель. не просим да искушаемся зане иж несть искушен, не испытанъ есть. но молим да не введет нас во искушение его ж понести не можем. си рече да не попустит нас во искушении согрешати. ввести бо глаголется Богу, егда помощь свою отимет. Ученикъ. кое есть седмое?
Учитель. но избави нас от лукаваго. Ученикъ. како есть разумеваемо? Учитель. иже есть от диавола от греха. и от всякого злаго искушения. Ученикъ. аминь. иже на конце есть. како разумеется. или коего
языка глаголется? Учитель. аминь, евреискы глаголется. еж на латыньское преложено, вере. а по рускы воистинну и верне разумеется.

Моление Господьское. суще едино. без росказаниа:Отче нашь иж еси на небесех. да святится имя Твое. да приидет царствие Твое. да будет воля Твоя яко на небеси и на земли. хлебъ нашь вседневныи даждь нам днесь. И отпусти нам долгы наша яко и мы отпущаем длъжником нашим. и не введи нас во искушение. но избави нас от лукаваго. Аминь.

Слава Господу Исусу Христу!
Редактор группы.