ОБ АНТИХРИСТЕ И ВТОРОМ ПРИШЕСТВИИ ХРИСТА. Продолжение Евангелия.
Священные Тексты читайте в оригинале в первоисточнике-рукописи – на фото на старославянском.
Комментарий-транслитерация на Священные Текста:
Евангелие:
“И тогда послет Аггелы Своа, и сберет избранныа своа, от четырех ветр, от конец земли до конца Небу, от смоковница же научитеся притчи, егда уже ветвие ея будет младо, и прозябнет листвие, ведите яко близ есть жатва, тако и вы, егда видите сиа бывающа, ведите яко близ есть при дверех, аминь глаголю вам, яко не имат преити родось (?), дондеже вся сиа будут, Небо и земля преидет, а Словеса Моя не преидут”
Толкование Феофилакта Болгарского:
“Видиши ли яко Сын посылает Аггелы, яко же и Отец. Где суть глаголящеи, яко несть равен Богу и Отцу. Тем же приидут Аггелы, сбирающе избраньныя, яко убо всхыщени на облацех усрящют Господа. От смоковница же разумеи еже глаголю, яко бо паче и смокви листвие уже имущи, абие жатва сице и по скорби антихристове, абие ни единому посреде приимающу, Христово Пришествие еже жатва в истину есть праведным от зимы, грешным же зима от жатвы, аминь глаголю вам, яко родось и христианскыи не преидет, даже сиа вся о Иерусалиме и о антихристове пришествии будут, небо где род апостольский глаголет понеже не до скончаниа миру живут апостоли, ни же до скончаниа Иерусалиму, мнози достигоша жити род убо христианеск глаголет, утешая апостолы, да не мнят, толикым злым бывающим, вся оскудеет вера, рече дерзаите, не преидет род христианский ни же оскудеет, прежде бо бездушныа сиа стихиа Небо и земля преидет, неже Словеса Моя отпадут вся бо свершатся елико рекох”
Слава Исусу Христу!
Павел Новиков
