ПРО ЗАВИСИМОСТЬ ПИТАНИЯ И БЛУДА

ПРО ДЕСЯТИНУ: ЕСЛИ ВСЕ СЛОЖИТЬ, ТО ПОЛУЧАЛАСЬ НЕ ДЕСЯТИНА, А, ИНОЙ РАЗ, ПОЛОВИНА ИМЕНИЯ.

О ТЩЕСЛАВИИ И ПРЕВОЗНОШЕНИИ ФАРИСЕЯ.

На поучение христоименитым людям о мытаре и фарисее.

Оригинал читайте на фото. Рукопись можно найти в архиве в обсуждениях.

Комментарий-транслитерация:

Пощуся два краты в суботу, десятину даю все елико притяжу

Понеже бо осуди фарисеи, прочих человек и мытаре, яко прелюбодеи суть и хыщници, тои убо, противу страсти прелюбодеаниа, пощение гордынею измени понеже бо, от питания, раждается блуд насыщение бо, отец есть досаждению, и блуд в множьстве брашен, фарисеи же тело постом удавлея, много отстояти от таковых страстии хваляшеся, пощаху бо ся фарисеие два дни в недели, в понеделник, и в четверток, к сим же, глаголаше фарисеи, яко похыщници суть и не праведни, аз же десятьствую вся елико имам, только бо хваляшеся, супротивися похыщениу(и?) неправде, елико же, и своя имениа другым раздаваше, ибо жидове, от всех имении своих дааху десяток, и пакы другыи десяток, и посем третии, сим же трем десятком, слагаемем явлеется, яко третиюю часть дааху от имениа своего, к тому же, и начинаниа, и перворождьннаа, и другаа многа дааху, сиречь яже о гресех, и очищениих и о празницех, и оставлениа долгом, и рабом такожде, и заемником, не мнящим лихву, сиа вся слагаема и считаема, пол имениа своего давают, аще ли же человек, иже пол имениа своего даяи ни в что же ему вменяется, превозносящуся и тщеславящуся о сем, коль паче, иже ни десятое от имениа своего дажи, чему достоин будет, превозношаася, и тщеславяся, к тому же и Святому Евангелиу глаголящу, аще не изобилна будет правда ваша, паче книжник и фарисеи, не имате внити в Царство Небесное…

Слава Исусу Христу!

Павел Новиков.