ПОЧЕМУ АПОСТОЛ СКАЗАЛ: «УЧИТЬ ЖЕНЕ НЕ ВЕЛЮ»?
Читайте ОРИГИНАЛ без искажений и дополнений на фото на древнерусском.
Комментарий-транслитерация (возможны ошибки):
Что ради Апостол учити жене не велю
Имьже единою учи зле Адама, прежде бо преслушаниа, равночестна бе мужу жена, не бо, но имже беседова Бог глаголя, о създании мужьсце, яко же бо и о том рече, сътворим человека по Образу и Подобию Нашему, а не рече да будет человек, тако же и о тои, не рече да будет жена, но и зде сътворим ему помощьницу по нему, по гресе же к мужу твоему обращение твое, и тъ тобою обладает, сътворих тя рече равночестну и не потребова добре властию, да преступи на повинование, не сътерпе свободы, то приими работу, не уме власти, то буди обладаема, и мужа познаи господина, и тъ и да господствует тобою, к мужу твоему обращение твое, рекше подобе жилище твое, пристанище твое, безблазние твое, да сего ради рече, не велю жене учити, ни владети мужем, не бо нъ(?) и учи единою и господствова, и все разврати, но(?) быти вы в молчании, глаголет же и вину, Адам бо рече не прелщен бысть, жена прелщена, в преступлении бысть, сего ради от учительска сверже престола иже бо учити не весть да навыкнет аще ли не хощет учитися но учити то и себе учащаяся препогубляет, еже убо и о жене тогда бысть да сего ради рече жена, в молчании да выкнет и в всяком повиновании, не повинование бо еа презорство всемирную пагубу и погрязение наведе, рече мудрый от жены начало всему злу, и тою умирают вси, глаголет же и причтник, многы же язвивше съверже, и бесчисла суть яже измори, тем же учит рекы, не послушаи злы жены, мед бо каплет из уст жены блудны, яже в мало время осладит твои гортань, послежде же горчее желчи обрящеши, изощрена паче меча обоюдуостра, жена бо честных муж улавляет душа, и вскрилена есть и блудна, в дому не молчита нозе еа, время бе не колико, вне плавлит, время же в стгнах, и въ всех углех лает, и пути еа сводяща в скровища смертна, и не весть студа, седе бо в дверех своего дому, на одре яве в стгнах, призывающи мимоходы, и яд и похоть женска, и гроза и земля ненасытящися воды, и огнь и вода, не речет довлет ми, и так путь жены любодеица, яко же егда створит отмывшися, нечьсо же ся мнит сътворши бесчинна, и уне жити в земли пусте, неже с женою язычную и которовою, яко же се червь в древе, тако же мужа погубит жена любодеица, и яко же капля изгонят человека в день слотъны(?) от хлевины(?) свое, яко же усерязь(?) злат в ноздрех свинии, тако же и жене злоумне красота, и съборник рече, обретаю горчее паче смерти жену злу, ея же есть лов и сеть смертнаа, узы в руку еа и благый пред лицем Божием избудет еа, съгрешааи же увязнет в неи, человека единого от тысущ обретох блага, жены в всех тех не обретох, тако же и Сирах учит глаголя, не даждь жене наступити на силу свою, уньши злоба левска, неже добро творящи жена и всяку язву, а не язву сердечьную и всяку злобу, а не злобу женску, выше главы змиины мнят и злобу выше злобы женскы, и уне жити с лвом и змием, неже жити с женою злою, злоба женска пременит очи свои, и посупит лице свое, акы медведица, и яко въсход песочьный под ногама старцю, тако же и жена мужу молчальну, и волу ярем зыбляся, жена зла держаися по ню, акы держаися по скорпию, и не упадаися на доброту женску, и жены не въжделеи, и не дажь воде исхода, ни жене зле дерзновениа на ся, аще не ходит под руку твоею, тъ отсеци ю от плоти своеа, и гнев велик жена пиана, и студа своего не прикрыет, и акы жаждя путник уста отверзь, и от всякоа воды ближьняа испиет, и у всякого кола сядет, и противу стреле отверзе тул, и блуд женеск съ взирании очьнем, и в веждах(?) еа познан будет, и аще дщерие(?) имаши блюди телесе еа, и не утеши лица си к неи, о дщери бо своеи утверди хранение, да не обрящет простро(?) и влезет в прокуду, и створит тя смеху врагом, и по тяжбу в граде, и срамит тя в множстве народ, и жена зла часть мужу грешьну дасться, да в лепоту убо глаголаше Бог(?) к неи по преступлени множа умножу печаль твою, многы бо печали и стенаниа и тугы, нам бысть подавница, тем же рече в печали родиши чада, и к мужу твоему обращение твое, и тъ и да обладает тобою, и сего деля и Апостол закон полагает рекы, жены своим мужем повинуитеся акы Господеви, акы глава есть жене муж, яко и Христос глава есть Церкви, да яко же Церкви повинуются Христу, тако же и жены мужем своим, весьде(?) же и хощу вы да весте, яко всякому мужу глава есть Христос, глава же жене муж, да муж убо несть должен покрывати главы, и образ и слава сы Божиа, жене же слава есть муж, не бо есть муж от жены, но жена от мужа, не бо създан бысть муж жены деля, но жена мужа деля, и жены ваша да молчат в съборищах, не бо им есть лепо глаголати, яко же и Закон глаголет, аще ли что хотят навыкнути в дому своих мужда впрашают, и гнусно бо есть жене в съборище глаголати, и жена молчанию да навыкнет, в всяком повиновании, жене же учити не велю, ни владети мужем, но быти в молчании, и вдовица да учиняется не худжьши(?) 60 лет бывши у единого мужа, жена в добрых делесех сведетельствуема, аще есть чада вскормила, аще есть странникы кормила, аще есть чада пелиговала(?), аще есть святым ногы умыла, аще есть скорбным довол даала, аще есть всякого добра дела въследствовала, истваа вдова, и уединена надеется на Бога, и прилежит в молитвах день и нощь, питающе же ся жива мертва есть, и уных же вдовиц укланяися, егда бо расверепеют посягати хотяще, имуще осуждение, имже первую преобидевше, купно же и празни выкнут, обходяще домы, не точию празны, но и блудница и сничавы(?), глаголаща неподобне, и жены събраны грехы водими похотьми различьными, присно выкнуша, и николи же на разум истинныи прити могущаа.
Слава Господу Исусу Христу!
Некоторые мысли, исходя из прочитанного (выборочно без порядка):
- Створим человека по Образу и Подобию Нашему, Створим ему помощницу по нему.
- К мужу твоему обращение твое, и тот тобою обладает.
- Будешь обладаема, и мужа познай господина, и тот да господствует тобою.
- Не велю жене учить, ни владеть мужем, но быть в молчании….Потому что Адам не был прельщен, но жена прельщена….Поэтому от учительского свержена престола….
- Если не хочет учиться, но учить, то и себя учащийся препогубляет.
- Жена в молчании и во всяком повиновении учится.
- Жена зла – горче паче смерти.
- Всякому мужу глава есть Христос, глава же жене муж.
- Жене же слава есть муж.
- Не муж от жены, но жена от мужа, не создан муж ради жены, но жена ради мужа.
- Жены ваши да молчат в съборищах. Не бо им есть лепо глаголати, яко же и Закон глаголет, аще ли что хотят навыкнути в дому своих мужда впрашают, и гнусно бо есть жене в съборище глаголати.
P.S.: Дорогие читатели, читайте рукописи на фото на древнерусском! Наша работа нужна лишь для того, чтобы помочь некоторым людям научиться читать оригинальные тексты на древнерусском. Мы в своих “комментариях”-транслитерация, можем и навредить – мы можем ошибаться, не принимайте наши “комментарии”-транслитерации и размышления за Правду Божию!!!