ИСПОВЕДАНИЕ ПРАВОСЛАВНОЙ ВЕРЫ СВЯТОГО АФАНАСИЯ, АРХИЕПИСКОПА АЛЕКСАНДРИЙСКОГО, С ИЗЪЯСНЕНИЯМИ. ЧАСТЬ 22.

Оригинал, Правду Божию см. на фото на старославянском.
Комментарий транслитерация:

Ученикъ. Веруеши ли во Исуса Христа?
Учитель. Весма верую во Исуса Христа Сына Его единороднаго Господа нашего. иже есть истиненъ Богъ и истинен человекъ.
Ученикъ. Како есть истиненъ Богъ и како истинен человекъ?
Учитель. Богъ истинен есть иже от Духа Святаго зачат есть. человекъ истинен иже от Мариа Девы родися.
Ученикъ. Се, тому рожьдшуся что потомъ бысть?
Учитель. По святем его рождестве возрастом и премудростию растяше. тридесят лет исполни. и в том возрасте от Иоанна Крестителя изволил есть креститися. и по крещении 3 лета и пол учаше. и проповедаше вся яже к жизни вечнеи пристоят.
Ученикъ. По сем проповедании что бысть?
Учитель. В том проповедании ят бысть от июдеи безаконных, и не верных, от нихь же ради ненависти ихъ и за грехы наша многа хулениа, и многы страсти при Понтеистем Пилате. иже судиа бе в то время во июдеи, подят.
Ученикъ. От куду глаголется Понтиискыи?
Учитель. От места иде же роженъ есть сие имя приат.
Ученикъ. Что по сих?
Учитель. При том бо распят есть и на том кресте умре. паки погребенъ бысть. и пребывающу телеси его во гробе. дуща его во адъ сниде. и ис того ада святых патриархов. си рече Авраама. и Исаака. и Иакова. и святыхъ пророкъ. Исаию, Иереме. и иных прочих всех. ихь же избра. умилосердився избави и въ третии день победитель воскресе.
Ученикъ. По сихъ яко воскресе что творит?
Учитель. По преславнем и святеишем воскресении. пребыл есть, 40 днеи и 40 нощеи съ ученикы своими. и яде с ними. многа учя и глаголя о царствии Божии.
Ученикъ. Что по сем?
Учитель. По сих убо видящим имъ. взыде на небо. иде же еже хощет и како хощет, седе одесную Отца всемогущаго.
Ученикъ. Что по сих творити будетъ?
Учитель. В скончание мира с тою же плотию, с нею же взыде на небо. приидет судити живых и мертвых.
Ученикь. Что сут живии. и что сут мертвии?
Учитель. Живии суть праведнии. а мертвии грешници.
Ученикъ. Веруеши ли в Духа Святаго?
Учитель. верую без сумнениа в Духа Святаго.
Ученикъ. Что же есть?
Учитель. Богъ есть, и въ Троицы третее лице. поне же иное есть лице Отчее, иное ж Сыновне. а ино Духа Святаго. в тои Троицы единаго Бога весма быти верую и исповедаю.
Ученикъ. Веруеши ли во святую Церковь соборную. и святых общение?
Учитель. Верую святу Церковь, а не в ню верую, зане, не Богъ. но созывание или собирание Христианом и дом Божии есть.
Ученикъ. Екъклезиа. коим языком глаголется?
Учитель. Греческым.
Ученикъ. Како протолкуется по латынскы?
Учитель. Созывание, или собирание Христианом. яко выше рех.
Ученикъ. Что есть, кафолика?
Учитель. Вселенскаа иже есть по всему миру разлиана. и Святых съобщение. иже есть съ Святыми совокупление и съобщение мне имети верую. аще веру крепку содержу и делы соблюду.

P.S.: Дорогие читатели, читайте полностью толкование на фото на старославянском! Наша работа нужна лишь для того, чтобы помочь вам читать оригинальные тексты. В своих комментариях мы можем ошибаться, не принимайте их за Правду Божию!!!

Полностью оригинал рукописи доступен для скачивания по ссылке https://drive.google.com/file/d/18_xmQkcSYk6xOQ5qyAtNi-Cvj5lNl5a1/view

Слава Господу Исусу Христу!
Редактор группы.