ИСПОВЕДАНИЕ ПРАВОСЛАВНОЙ ВЕРЫ СВЯТОГО АФАНАСИЯ, АРХИЕПИСКОПА АЛЕКСАНДРИЙСКОГО, С ИЗЪЯСНЕНИЯМИ. ЧАСТЬ 15.

Опубликовано автором

Оригинал, Правду Божию см. на фото на старославянском.
Комментарий транслитерация:
Сущее.
Иже убо хощет спасенъ быти. тако о Троицы да разумевает.
Толкование.
Зде молит и воспоминает. да единъ кождо учитель памятнее сию содержит. и крепко верует и иных проповедая научит.

Сущее.
Но потребно есть к вечному спасению. да воплощению убо Господа нашего Исуса Христа верне верует.
Толкование.
Потребно бо есть нам. да яко же выше рехом, тако да веруем. аще убо вечное спасение хощем имети, иже есть со Христом бесконечно царствовати. потребно есть. да и воплощению Господа нашего Исуса Христа верне веруем. како ж верне. неприемнаго, но сущаго Сына Божиа. яко глаголет Апостолъ. сущаго Сына своего непощаде Богъ. но за нас всех предасть его.

Сущее.
Есть убо вера правая, да веруем и исповедаем. иже Господь наш Исус Христос, Божий Сынъ. Богъ вкупе и человек есть.
Толкование.
Ныне начинает поведати по въчеловечению Христову. что есть вера правая. Есть бо вера правая. да вочеловечению его веруем в сердцы. исповедаем усты. яко глаголет Апостолъ, сердцем веруется к правде. усты ж исповедание бывает ко спасению. Бог и человек, единъ есть истинныи Божии Сынъ. иже по Божеству ничим болии, или менши. неже Богъ Отець. по человечств? тако же кроме греха, неже человек.

P.S.: Дорогие читатели, читайте полностью толкование на фото на старославянском! Наша работа нужна лишь для того, чтобы помочь вам читать оригинальные тексты. В своих комментариях мы можем ошибаться, не принимайте их за Правду Божию!!!

Полностью оригинал рукописи доступен для скачивания по ссылке https://drive.google.com/file/d/18_xmQkcSYk6xOQ5qyAtNi-Cvj5lNl5a1/view

Слава Господу Исусу Христу!
Редактор группы.