ИСПОВЕДАНИЕ ПРАВОСЛАВНОЙ ВЕРЫ СВЯТОГО АФАНАСИЯ, АРХИЕПИСКОПА АЛЕКСАНДРИЙСКОГО, С ИЗЪЯСНЕНИЯМИ. ЧАСТЬ 16.

Опубликовано автором

Оригинал, Правду Божию см. на фото на старославянском.
Комментарий транслитерация:
Сущее.
Богъ есть, от существа Отча прежде векъ роженъ. и человекъ от существа матерьня в веце рожденъ.
Толкование.
От существа Отца, иже есть от равеньства естества. преже векъ рожденъ. иже есть преже всеа твари, яко глаголет во псалме. из чрева преж деньница. родих тя. из чрева иже есть от моего существа. преже деньница. иж есть преже всеа твари. и человекъ есть от существа матерьня. в веце рожденъ. иже есть весь человекъ с телом и душею. во всех подобен нам кроме греха. От существа матерьня. иже есть от равеньства матерьня. В веце рожденъ, иж есть в сиа времена. не отинуду, точию от семени женьска. бес похоти мужескы плоть приат. яко Соломон глаголет, премудрость созда себе храм. Сие есть, Христос созда себе плоть. от бл[а]женыа Девы Мариа. И инде чтется. иже бысть от семени Давидова по плоти.

Сущее.
Совершенъ Богъ совершен человекъ. от душа словесны, и человечьстеи плоти подлежа.
Толкование.
Съвръшено глаголется. иже есть полнъ, иже ничто же требует. Совершенъ человекъ. иже ничто же менши имат, кроме греха. неже человекъ. от душа словесны. Христос истинную душю име. иде же премудростию расти можаше. яко глаголет во Евангелии. Исус преспеваше премудростию. и возрастом. премудростию в души. возрастом в телеси. и человечестеи плоти подлежа. от человечества плот приим.

Сущее.
Равен Отцу по Божеству, мнии Отца по человечеству.
Толкование.
Равен понеже рече. Аз и Отецъ едино есмы. Мнии, понеже глаголет. Отець болии мене есть. И поне же человекъ есть, мнии есть от Божества.

Сущее.
Иже убо Богъ и человекъ. не два убо, но единъ есть Христос.
Толкование.
Сего ради сице совокупитися восхоте Божии Сынъ. со человеческым естеством. Да от сих дву существъ, будет едино лице.

P.S.: Дорогие читатели, читайте полностью толкование на фото на старославянском! Наша работа нужна лишь для того, чтобы помочь вам читать оригинальные тексты. В своих комментариях мы можем ошибаться, не принимайте их за Правду Божию!!!

Полностью оригинал рукописи доступен для скачивания по ссылке https://drive.google.com/file/d/18_xmQkcSYk6xOQ5qyAtNi-Cvj5lNl5a1/view

Слава Господу Исусу Христу!
Редактор группы.