КОМУ ГОРЕ?
Учитесь читать оригинал без искажений и дополнений на фото на старославянском.
Комментарий-транслитерация (для новичков в помощь, для ленивых во вред):
…горе в гресех живущему и покаяннаго времени не ведуще, яко тамо каятися имет все смутне и не утешимо в векы, горе от уности в сласти плотьскыя впадшемуся и до старости не всклонившуся до конца, яко сицевый мучим будет в векы, горе глаголющему яко ныне прикоснувся плоти, и на старость покаюся, яко сицевому внезапу наидет смерть, и чаянье его погибнет, горе сгрешающему волею, и утро глаголющему покаюся, а не ведый что родит полунощие, горе дающему руку свою неприазни сведуще благая, яко неприазнени ангели приимут и в день исход его, горе полагающему съблазн ближнему своими лукавыми деянии, яко слово воздасть в День Судный, занеже ины съблазнил есть своими лукавыми начинании, горе отрекшемуся мира и пакы мирьскими пекущу, яко притча глаголаная наидет на нь, горе ходящему вслед похотеи плотьскых и не радя леностью о души своеи, яко разделяется на земли надежа его, горе не тщащемуся всею крепостию своею, и о суде уготовати тамо ответ благ оприатен, и причитати живот свои благых, горе погубившему(?) терпение, и что створят егда посетит Господь всея твари, ….ся(?) в малое се время себе помощи покаянием и слезами, умолите Долготерпеливаго и Милостиваго Бога, ждущаго нашего обращениа, и подающаго жизнь не призрим спасениа нашего, не наследим себе мирьскых похотеи яко в часть(?) суть и последи покаяние творят, и пакы таже приносят, и вся слава мирьская погибает, и ничто же ино поидет пред нами, но токмо един грех, и сущая мука от него, никто же нам поможет в день он, ни друг, ни ужика, ни сердоболя, токмо еже отсуду волное покаяние, и сего поспешныа детели(?) и истина нелицемерная мудрость по Божию строению, послушание не тщеславие, въздержание, и всяко духовно житие, сиа детели исходят с нами от житиа сего, си противятся супротивным силам, хотящи имети ны в исходе нашем от житиа сего сиа поставят ны пред Спасом нашим, Исусом Христом кланяющеся с нами Отцу и Сыну и Святому Духу.
Слава Господу Исусу Христу!
P.S.: Дорогие читатели, читайте рукописи на фото на старославянском! Наша работа нужна лишь для того, чтобы помочь новичкам научиться читать оригинальные тексты на славянском. Научившись читать, у вас открывается доступ к первоисточникам – к Правде Божией! Вам теперь не нужно верить на слово всяким «лжеучителям», у вас появляется возможность самостоятельно изучать истинных учителей и труды Церкви Христовой! Мы же в своих комментариях (помогая вам прочитать) можем и навредить – мы можем ошибаться, не принимайте нашу жалкую писанину за Правду Божию!!!
Павел Новиков (читатель-редактор).
