О СВЯТОЙ ВЕЛИКОЙ НЕДЕЛЕ.
Читайте ОРИГИНАЛ без искажений и дополнений на ФОТО на древнерусском.
Комментарий-транслитерация (для новичков в помощь, для ленивых во вред):
О Святеи Великои недели
От Святого Великаго понеделника, даже до Святого Великаго Четвертка всем християном мужем и женам юношям же и младенцам, хлеб и соль и зелие ясть, питие же их вода, в Великыи Четверток ясти варение по Святом Причащении, и пити вино, в Великыи же пяток и в великую суботу, даже до съвершения Божественыя Литургыя, светоносныя Неделя алчном всем пребывати, еже утверди Святыи Вселеньскыи Събор, рекошя же и немощным поститися, токмо в Великыи Пяток, аще кто есть стар и изнемогл, по захаждении солнца да снесть хлеб и воду, в суботу же не разоренен съблюсти пост, до часа узаконенаго и не инаго бо ради постимся в сия, 6, дни, разве иудеискаго ради злочестиа, и законопреступления, плакати убо подобает, и рыдати о погыбели их, яко не разумеваша времене посещениа своего, подобает же Причащятися достоиным Божественых и Бесмертных Таин, в Святыи Великыи Четверток, в тои бо вечер бысть предание Святым Таинам, от Господа Исуса, 12, Апостолом, не бе ту июда егда Таины от Господа Апостолом предавахуся, ибо глаголют не быти ему с ними, но на вечери ядыи с Владыкою и с Апостолы, омочив хлеб Преблагыи Господь, дасть в руце июдине, и ты приемшю и тако изыде, вшедшу в него сатане, остря меч предательства, и по ошествии того предасть Господь Апостолом Таины, рек приимете и ядите и пиите от нея, и елижды аще хлеб сеи ясте и чяшу сию пиете, Мою смерть исповедуите, Мое Въскресение възвещаете, сего бо ради, и в Святую Суботу вечер Святых и Пречистых Таин при причащаемся, поминающе смерть Его такожде и в светоносную Неделю поминающе Въскресение Его, несть бо достоино разтрешити(?) достоным, аще не причастятся в сих трих днех.
Слава Господу Исусу Христу!
P.S.: Уважаемые читатели, читайте рукописи на ФОТО на древнерусском! Мы в своих «комментариях» (помогая вам прочитать) можем и навредить – мы можем ошибаться, не принимайте нашу писанину за Правду Божию!!!