ПЕТР И ПАВЕЛ О ПРАЗДНИКАХ.
Читайте ОРИГИНАЛ без искажений и дополнений на ФОТО на древнерусском.
Комментарий-транслитерация (для новичков в помощь, для ленивых во вред):
…(?) Книгы Петра и Павла запрещение о празновании
Мы же Петр и Павел заповедуем рабом делати 5 днии суботу же и неделю да упражняются в Церковь, учительства ради благочестиа, субота бо създаниа твари слово имат, неделя же въскресныя.
Святую великую неделю страсти Господня и яже по неи, да празднуют раби, яко ова(?) страсть(?) есть, ова же въскресениа, и потреба есть учительству иже видети кто есть пострадавыи и вскресыи, кто простивыи и въскресивыи, Възнесение да празднуют, съвершениа ради еже о Христе смотрениа, Пятидесятницу(?) празднуите, ради яже в ня бывшиа радости Святого Духа пришествия, и даровавшуюся верным в Христа, Рождества Христова праздник празднуите, за еже в нем неначаем(?) и благодати, человеком приити и родитися Божию Слову Господу нашему Исусу Христу, от Девы Мариа на спасение миру, Святых Богоявлении праздник празднуите, за еже в нем показаниа быти Христова Божества сведетельствовавшу ему Духу на Крещении, и учителю в видении голубине показавшу предстощим, сведетельствованнаго, Дни Святых Апостол празднуите, учители бо вам бышя в Христа, и Духа Святого вас сподобишя день Святого Стефана 1го мученика празднуите и прочих Святых мученик предпочетших Христа, паче своея жизни, молиты творите заутра, и в 3 час, и 6, и 9, и вечер, и в пятлоглашение, заутра убо яко освяти вас Господь, предве (?) нощь(?) и приведе день, в вторыи же час яко то осужениа от пилата приат Господь, в 6 иже яко в тои распятся Господь, в 9 иже яко вся поколебашася владыце(?) распинаему, трепещущи дерзновениа злочестивых жидов, и не терпяще Господня досажениа. Вечер же благодаряще яко дати нам покои дневным трудом нощь, в пятлоглашение же, за еже благовествуется час пришествиа днесь на делание дел света, аще несть мощно в Церкви молитися неверных ради, в дому твори събрания о Епископе, яко да не входит благочестивыи в церковь нечестивых, не место бо человека освещает но человек место, аще нечестивыи предержати место, бегаи от него занеже осквернено бысть от них, яко же бо преподобнии священници освещают, сице и нечестивии и оскверняют, аще ли же ни в дому купно ни в церкви мощно събратися кождо собе да поет да молится или вкупе два или три, идеже бо аще суть рече Господь два или три събрани о Имени Моем ту(х) Есмь посреди их.
Слава Господу Исусу Христу!
P.S.: Уважаемые читатели, читайте рукописи на ФОТО на древнерусском! Мы в своих «комментариях» (помогая вам прочитать) можем и навредить – мы можем ошибаться, не принимайте нашу писанину за Правду Божию!!!