О внутрьнем хранении. Типикон 16в
Оригинал читайте на фото. Рукопись можно найти в архиве в обсуждениях.
Комментарий-транслитерация:
О внутрнем хранении. Обаче и сам Господь ищет(?) рече: яко внутрь вас есть Царство Небесное
сего ради якоэе прежде рехом , требует человек не только внешний пост, но и внутрений соблюдати, еже от всяких неподобных укланятися и отбегати якоже и апостол Павел учит глаголя: воздержайся рече от всего да воздержится, и другий некый от святых отец: яко подобает человеку не точию от пищи себе хранити в посте своем, но и от всякого иного греха соблюдатися всегда, и якоже рече постимся чревом, сице постимся языком, удаляющеся от клятвы от лже от празднословия от укаризны от гнева от всякого прочего греха, бывающего языком. Подобне постимся и очима, еже не глядати суетна, еже не продерзновати очима, еже не смотрети кон(?) безстудне, такоже и руце и нозе возбраняти нетещи суетная, но соблюдати себе от всякые лукавые веши. И тако постящеся якоже глаголет святый Василий, пост приатен удаляющеся от всякой злобы, иже всеми чувствы нашими действуемамы, придем ко святому дни Воскресения нови и чисти, и достоинии причащения святых Таин , и сице убо святии показывают пост приятен, и житие непорочно, еже внутреним хранением возможно есть совершатися кому, кроме же сего невозможно тем же на всяком месте и всегда должно есть о том попечение имети, инуд ти себе кождо нас по преданию святых паче Самого Господа рекшего: нужно есть Царство Небесное, и нужницы восхыщают е, обаче о сих убо да нераслабится некто, или в малодушие впадет от реченной нужди, или яко многыми скорбми подобает внити в ЦАрство Небесное, но да есть ведомо всякому о сих, яко же с верою и усердием и разумом иже по Боге нудится , невозможно есть таковому погрешити, яко же и сам Господь рече: ищай обрящет, и толкущему отверзется и просяй приимет и верующему вся возможна суть. И апостол глаголет: любящим Бога вся поспеются в благое, подобно же и пророком глаголет, о сих и сведетельствуется глаголя: близ Господь всем призывающим Его истиною, и волю боящимся Его сотворит, и молитву их услышит и спасет их. Хранит Господь вся любящаа его, и вся грешникы потребит, и яж иная многа, о них же большее показание, и стрешнейшее, о добрых же и злых речено есть сице : небо и земля мимо идут и преидут, словеса же Господня и святых его пророк и апостол не имут преити и погыбнути, не едина черта от реченых, еже не збытися всем, но паче свершитися, и явлено пред святими стати о всяком деле обличаюше нас понеже елика писана быша. Вся нас ради писана быша, к нашему наказанию и поучению о всем, тем же с тщанием понудим себе к сохранению, в них же поучают нас Божественые Писания, яко да не будем осуждени, во время страшнаго испытания, но да получим милости Господней, со всями иже от века боящимися и хранящими святыя Заповеди. Аминь.
Слава Исусу Христу!
Редактор группы.
