О ВОССТАНИИ СТРАСТЕЙ.
Оригинал, Правду Божию см. на фото на старославянском.
Евангелие от Иоанна с толкованиями блаженного Феофилакта Болгарского, рукопись 1509г.
Комментарий-транслитерация:
Евангелие:
Посла же его Анна свезана к Каиафе архиереови. бе же Симон Петр стоя и греяся. рекоша же ему еда и ты от ученикь Его еси. отвержеся убо он и рече несмь. глагола убо един от рабь архиереовь ужика сии, ему же Петр уреза ухо. не азь ли тя видех въ врътограде с ними, пакы убо отвръжеся Петр. и абие алектор възгласи.
Толкование:
… Еже тогда Петр пострада и ныне есть видети многы в нас страждуще. вяжется убо въ Слово Божие. и пленеемо есть или от сласти или от печали запинаемо. ово бо яко вяжемся и ведемся. ли от мира сласти. или въ печалех Бога забивающе. и осуждается Слово одолевает же бесловесие. Блуд, любодеяние, пианство, златолюбие, ярость, гнев, человеконенависть и прочаа. и раб ударе владыку, таково есть страстем въстание. ум же наш яко Петр многажды ярится яко не отвръжется слова. тем и стоит и греется. стои убо яко не подвижим ниже смереем. но въ ярости буди греатися глаголет яко же от съгреяниа. и гръдостию более ярится. обличающиа же раба, мала некаа сласть же на сущии. и абие отметается Слова и бесловесием водится. и не от коего искуса печали обличается, яко тогда Петр от рабы. и тако немощ его явлеется. но молимся да възрит на нас Исус Слово Божие. и въ покаяние въ слъзы въздвигнет. и шедшим же вънь двора сего Господа распинающим архиереова, еже есть миродръжца. егда убо от мира еж есть дворь миродръжца изыдем. тогда и в покаании истины станем. яко и Павел глаголе, изыдем къ Нему вънь врат, еже есть мира. поношение его носяще.
P.S.: Дорогие читатели, читайте полностью толкование на фото на старославянском! Наша работа нужна лишь для того, чтобы помочь вам читать оригинальные тексты. В своих комментариях мы можем ошибаться, не принимайте их за Правду Божию!!!
Полностью оригинал рукописи доступен для скачивания по ссылке https://drive.google.com/file/d/1KOzSO2UO-D7CabO-5kqzEzZD_L7SS_4I/view?usp=sharing
Слава Господу Исусу Христу!
Редактор группы.
