ДОСТОИТ НЕ РАДИТИ О ЖИТЕЙСКОМ.
ЛЮБЯЩИЙ ЗОЛОТО И СЕРЕБРО – ПОДОБЕН ИДОЛОСЛУЖИТЕЛЯМ.
НЕ ИМЕЮЩИЙ ИЗЛИХА – ДОЛГО ЖИВ БУДЕТ.
Читайте ОРИГИНАЛ без искажений и дополнений на ФОТО на древнерусском.
Комментарий-транслитерация (для новичков в помощь, для ленивых во вред):
Комментарий-транслитерация:
Евангелие:
Рече же Ему некыи от народа, учителю рци брату моему, да разделит со мною достояние, Он же рече ему, человече кто мя постави судию, или делителя над вами, рече же к ним, блюдете и хранитеся от лихоимства, яко не от избытка кому живот его есть, от имении его
Толкование:
Уча ны Господь, како достоит не радити о житеискых, и яко не подобает тщатися о земных, отсылается впросивыи на разделение отча наследиа, тем и рече, кто мя постави судию и делителя, понеже бо он оставль просити потребных, и на спасение души сущих, о земных и временных вещех просяше делителю ему быти, сего ради яко стужающа и не хотяща уведети потребных, отсылается, и то же кротце а не с гневом, учит же всякои тогда и ныне слышащая, отнуд убо не радити о земных и временных вещех, не бранитися братии, хотящих лихоимению, от вземлющаго бо от тебе рече что не истязаи, ищущих елико паче есть потребно и полезно к спасению души, тем и наведе глаголя, зрите и блюдетеся от лихоиманиа, яко рова некоего диавольскаго учит ны того отбегает, кому же сиа рече зрите, и блюдетеся от лихоиманиа к тема двема братома, понеже о наследии бяше им пря, всяко бо бяше в тою двою, единому единого обидети, того ради о лихоимании к нима беседует, велико бо есть зло, тем и Павел идолослужение именует е, и единем есть лепо иже Бога не видят, или яко истиннее рещи, понеже идоли язык сребро и злато, любяи бо злато и сребро, подобен идолослужителем, таце ибо вещи кланяются, и сут себе общи, подобает убо бегати излишняго, почто же, елма не от избытка кому живот есть, сиречь не продолжается житиа мера излишним богатьством, ни имеяи бо излиха долгожив будет, ни последует бо множество богатьства долгыи живот, сие же глаголет Господь, възражая златолюбивых помыслы, мнят бо ся долгалета житии отвсюду събирают рече, о окаянне и страстне, не бо от многоимениа бывает долгожитие, что тако страждеши, яве о неявлене покоя, не явлено бо есть, аще достигнеши старости, ея же ради събираеши или ни.
Слава Господу Исусу Христу!
P.S.: Уважаемые читатели, читайте рукописи на ФОТО на древнерусском! Наша работа нужна лишь для того, чтобы помочь новичкам научиться читать оригинальные тексты на древнерусском. Научившись читать, у вас открывается доступ к первоисточникам – к Правде Божией! Вам тогда не нужно будет верить на слово всяким «лжеучителям», у вас появится возможность самостоятельно изучать истинных православных учителей и труды Церкви Христовой! Мы же в своих комментариях (помогая вам прочитать) можем и навредить – мы можем ошибаться, не принимайте нашу писанину за Правду Божию!!!
Павел Новиков (читатель-редактор).